अवीट गोडीचे गाणे -- सजनी ग भुललो मी

 

अवीट गोडीचे गाणे -- सजनी ग भुललो मी 

         भिंगरी हा चित्रपट १९७७ साली प्रदर्शित झाला. या चित्रपटाचे दिग्दर्शन दत्ता केशव यांनी केले. या चित्रपटातील गाणी जगदीश खेबुडकर यांनी लिहिली असून बाळ पळसुले यांनी संगीत दिले आहे. या चित्रपटातील गाणी महेंद्र कपूर आणि उषा मंगेशकर यांनी गायली आहेत. या चित्रपटात सुषमा शिरोमणी, डॉ. श्रीराम लागू, निळू फुले, विक्रम गोखले, रमेश देव यांच्या मुख्य भूमिका आहेत. 

            या चित्रपटातील सर्वच गाणी सुरेख आहेत. यातीलच हे एक गाणे आहे. हे गाणे सुषमा शिरोमणी व विक्रम गोखले यांच्यावर चित्रित झाले आहे. महेंद्र कपूर आणि उषा मंगेशकर यांनी आपल्या सुरेल आवाजात हे गाणे गायले आहे.

 

सजनी ग, भुललो मी ,काय जादु केली
बघुन तुला जीव माझा होई वर खाली
सजना रे, काय सांगु ,कुणी जादु केली
लाज मला आली बाई ,लाज मला आली
काल मला याची बाई जान नव्हती
आज कशी मोहरून आली नवती
अंग चोरतिया कशी लाजाळूची येली
अल्लड चाळयाचीखोडी कुठं गेली
लाज मला आली बाई ,लाज मला आली
नकोस घेऊ विळख्यात सजना असा
बघत्यात झाडी येली भर दिवसा
डोंगराची मैना कशी एकांताला भ्याली
कळी ही गुलाबी सुगंधात न्हाली
लाज मला आली बाई ,लाज मला आली
लपेना ही हुरहुर आज पदरी
शालू चोळी नेसून मी झाले नवरी
काया जणू गरतीचं लेणं आज ल्याली
येशील का घरी तूं लक्ष्मीच्या  चाली
लाज मला आली बाई ,लाज मला आली
Lyrics -जगदीश खेबुडकर  

Music -बाळ पळसुले 

Singer -उषा मंगेशकर,महेंद्र कपुर  

 Movie  -भिंगरी