उंच भरारी
शिवरायांचे चरित्र, एक जीवन ध्यास,
नमविते माथा त्यांच्या चरणी,
त्यांचे जीवन एक उंच भरारी ।। १ ।।
चाल रुबाबदार, गोड वाणी,
जरब ती डोळ्यात, शुद्धभाव अंतरी,
त्यांचे जीवन एक उंच भरारी ।। २ ।।
धडधडे काळीज शत्रूचे भितीपरी,
चढते मावळे गड झरझरी,
गनिमी काव्याने लढती, शत्रूला धडकी भरी,
त्यांचे जीवन एक उंच भरारी ।। ३ ।।
माथा नमितो त्यांचा जिजाऊंच्या पाऊली,
घडविला रयतेचा राजा तिने सिंहापरी,
शिवरायांना आता झुकुनि मुजरा करी,
त्यांचे जीवन एक उंच भरारी ।। ४ ।।
No comments:
Post a Comment