कविता -- कावळे दादाचे दुःख
पक्षी गातात झाडांवर,
फुलपाखरे खेळतात फुलांवर,
कोकीळ गाते आंब्यावर,
कावळेदादा का दुःखाने बसला
सुकलेल्या झाडावर ? ।। १ ।।
आनंदाने पावसात नाचतो मोर,
पोपट विठूविठू करतो पेरूच्या झाडावर,
चिमणी घरटं बांधते झाडावर,
कावळेदादा का दुःखाने बसला
सुकलेल्या झाडावर ? ।। २ ।।
दुरून हिरवेगार दिसतात डोंगर,
वाटे हिरवा सदरा घातला अंगावर,
झाडे नाचतात वाऱ्यावर,
कावळेदादा का दुःखाने बसला
सुकलेल्या झाडावर ? ।। ३ ।।
माकड उडया मारते झाडावर,
वेड लागेल कावळेदादा तुला लवकर,
तू पण सर्वांबरोबर मौजमजा कर,
नको बसू त्या सुकलेल्या झाडावर ।। ४ ।।
No comments:
Post a Comment