अवीट गोडीचे गाणे -- राजसा जवळी जरा बसा

अवीट गोडीचे गाणे -- राजसा जवळी जरा बसा 

               काही गाणी अशी असतात कि कितीही ऐकली तरी मन भरतच नाही. ते गाणे परत परत ऐकावेसे वाटते. अशा गाण्यात गोडवा अधिक असतो. अशा गाण्यांचे स्वर कानावर पडले कि पाय आपोआपच थबकतात. अशा गाण्यांपैकी "राजसा जवळी जरा बसा" हे अवीट गोडीचे गाणे आहे. हे गाणे बैठकीची लावणी या प्रकारात मोडते. 

               कवी ना. धो. महानोर यांनी बरीच सुंदर मराठी गाणी लिहिली. त्यांच्या गाण्यांनी मराठी माणसाला चांगलीच भुरळ घातली. त्यांनी लिहिलेले "राजसा, जवळी जरा बसा" हे मनाला भुरळ घालणारे गाणे आहे. खरं तर हि शृंगारिक लावणी आहे. हि लावणी अश्लील न वाटता ऐकायला कानाला गोड वाटते. या लावणीला स्वरसम्राज्ञी लता मंगेशकर यांनी आपल्या गोड आवाजात गाऊन साज चढवला आहे तर पंडित हृदयनाथ मंगेशकर यांनी संगीत दिले आहे म्हणूनच अजूनही हे गीत मराठी माणसाच्या हृदयावर अधिराज्य गाजवते. 

  

राजसा, जवळी जरा बसा 

जीव हा पिसा तुम्हाविण बाई 

कोणता करू शिणगार सांगा तरी काही ।। धृ ।।

त्या दिशी करून दिला विडा 
पिचला माझा चुडा कहर भलताच 
भलताच रंगला काथ लाल ओठांत ।। १ ।।
राजसा ...

राजसा, जवळी जरा बसा 

जीव हा पिसा तुम्हाविण बाई 

कोणता करू शिणगार सांगा तरी काही 

ह्या तुम्ही शिकविल्या खुणा 
सख्या सजना, देह सकवार 
सोसता न येईल अशी दिली अंगार ।। २ ।।
राजसा ...

राजसा, जवळी जरा बसा 

जीव हा पिसा तुम्हाविण बाई 

कोणता करू शिणगार सांगा तरी काही 

 

मी ज्वार नवतीचा भार 

अंग जरतार ऐन हुरड्यात 

तुम्ही नका जाऊ साजणा हिवाळी रात ।। ३ ।।

राजसा ...

राजसा, जवळी जरा बसा 

जीव हा पिसा तुम्हाविण बाई 

कोणता करू शिणगार सांगा तरी काही