डॉ. काशिनाथ घाणेकर आणि सुबोध भावे

डॉ. काशिनाथ घाणेकर आणि सुबोध भावे 

          काशिनाथ घाणेकर हे प्रसिद्ध नाटय कलाकार होते तसेच ते दन्त वैद्य (डेंटल सर्जन) होते. त्यांचा जन्म १४ ऑगस्ट १९३० रोजी झाला. त्यांनी अभिलाषा या हिंदी सिनेमात नंदा सोबत काम केले तसेच दादी माँ या चित्रपटात अशोक कुमार आणि बिना रॉय यांच्या मुलाची भूमिका केली. 

             वसंत कानेटकर लिखित "रायगडाला जेव्हा जाग येते" या नाटकात त्यांनी संभाजीची भूमिका केली. त्यांची हि भूमिका फार प्रसिद्ध झाली. नंतर त्यांनी इथे ओशाळला मृत्यू, अश्रूंची झाली फुले, गारंबीचा बापू, आनंदी गोपाळ, शितू, तुझं आहे तुजपाशी, सुंदर मी होणार, मधुमंजिरी इ. नाटकात काम केले. 

               काशिनाथ घाणेकर यांनी मराठी नाटकांबरोबरच मराठी सिनेमातही काम केले. १९५३ साली धरम पत्नी, १९६० साली पाठलाग, १९६४ साली मराठा तितुका मेळवावा, १९६६ साली दादी माँ, १९६७ साली मधुचंद्र, १९६८ साली एकटी, प्रीत शिकवा मला, अभिलाषा, १९७० साली देव माणूस, १९७१ साली अजब तुझे सरकार व झेप, १९७६ साली हा खेळ सावल्यांचा या चित्रपटात त्यांनी काम केले. यातील पाठलाग, मराठा तितुका मेळवावा, मधुचंद्र व हा खेळ सावल्यांचा या चित्रपटांना चांगली प्रसिद्धी मिळाली. मधुचंद्र सिनेमाने तर त्यांना नाटय कलाकाराचे मराठी चित्रपटाचे सुपर स्टार बनवले. या सिनेमातील "मधू इथे अन चंद्र तिथे झुरतो अंधारात. अजब हि मधुचंद्राची रात" हे गाणे त्याकाळी चांगलेच यशस्वी झाले. हा खेळ सावल्यांचा हा चित्रपटही चांगलाच यशस्वी ठरला. यातील "गोमू संगतीनं माझ्या तू येशील का" व "रात्रीस खेळ चाले हा खेळ सावल्यांचा" हि गाणी यशस्वी ठरली. 

          डॉ. काशिनाथ घाणेकर यांच्या जीवनावर आधारित "आणि....डॉ. काशिनाथ घाणेकर" हा चित्रपट येत आहे. अभिजित देशपांडे यांनी या चित्रपटाचे दिग्दर्शन केले आहे. या चित्रपटात सुबोध भावे, सोनाली कुलकर्णी, सुमित राघवन यांनी महत्वाच्या भूमिका केल्या आहेत. सुबोध भावे आणि प्राजक्ता माळी यांच्यावर "गोमू संगतीनं माझ्या तू येशील का" हे गाणे चित्रित झाले. सुबोध भावेंनी या गाण्यात काशिनाथ घाणेकर यांचा हुबेहूब अभिनय केला.