भारतीय क्रिकेट खेळाडू -- वेधक हनुमा विहारी

भारतीय क्रिकेट खेळाडू -- वेधक हनुमा विहारी 

          विहिरीचा जन्म १३ ऑक्टोबर १९९३ रोजी काकीनाडा या गावी झाला. नागेश हमोंड यांच्या मार्गदर्शनाखाली त्याने क्रिकेटचा श्रीगणेशा केला. नागेश यांनीच त्याला सिकंदराबादमधील सेंट जॉन्स अकॅडमीत नेले. तेथे जॉन मनोज यांच्या मार्गदर्शनाखाली त्याच्या गुणवत्तेला पैलू पडले. तेथेच सराव करणारा कसोटीपटू वि. वि. एस. लक्ष्मण याच्या शैलीदार फलंदाजीमुळे तो प्रेरित झाला. वडिलांच्या आकस्मिक निधनानंतर त्याच्या क्रिकेटला आईने पाठिंबा दिला. 

 कारकीर्द --

          २०१२ च्या युवा विश्वकरंडकसाठी विहारीची निवड झाली. भारताने या स्पर्धेत विजेतेपद मिळवले. २०१२ मध्ये आयपीएलमध्ये त्याने सनरायझर्स हैदराबादकडून १७ सामन्यात ८६.६९ च्या स्ट्राईक रेटने २४१ धावा केल्या. दोन वेळा तो सामनावीर ठरला. त्यानंतरही त्याला पुढील मोसमात आयपीएल करार मिळाला नाही. त्याला २०१५ मध्ये पाचच सामन्यात खेळण्याची संधी मिळाली. अशावेळी त्याने प्रथमश्रेणी क्रिकेटवर लक्ष केंद्रित केले. इंग्लंडमधील इसेक्स अव्वल श्रेणी लीगमध्ये तो २०१४-१५ मध्ये खेळाला. त्याने सहा शतके ठोकली. त्याच्या या कामगिरीचे कौतुक झाले. त्याने २०१७-१८ च्या मोसमात आंध्रकडून सहा सामन्यात ७५२ धावा काढल्या. त्याची सरासरी ९४ होती. ओडिशाविरुद्ध त्याने नाबाद ३०२ धावा केल्या. इराणी करंडक सामन्यात त्याने शेष संघाकडून १८३ धावा काढल्या. यामुळे त्याला इंग्लंड दौऱ्यातील शेवटच्या पाचव्या कसोटीत पदार्पणाची संधी मिळाली. वयाच्या २३-२४ व्या वर्षापर्यंत कसोटी क्रिकेट खेळण्याचे ध्येय साध्य करण्याचे योजनाबद्ध प्रयत्न त्याने यशस्वी ठरविले.