चारोळी -- बिरोळी
आयुष्य म्हणजे काय
जगणं नि मरणं,
स्वतःसाठी का होईना
काही तरी करणं !
-----------------------
डोळ्यातील अश्रूंना
दोन अर्थ असतात,
एकात दुःखाचे पर्वत
एकात सुखाचे तरंग !
-----------------------
अत्तरदाणी - गुलाबपाणी
थोडं अत्तर, थोडं पाणी,
जीवन हे असंच आहे
थोडा लाभ, थोडी हानी !
-----------------------
जीवन म्हणजे सुरेल संगीत,
नुसतेच नसावे गीत,
अंगी गुण असावे मनमीत
तेव्हाच होते भावनांची जीत !
---------------------------
शहाणपणाच्या शब्दापेक्षा
मायेचा स्पर्श हवा,
आभाळीच्या सूर्यापेक्षा
भाकरीचा चंद्र खरा !
-------------------------
शुभकार्याच्या शुभप्रसंगी
गणेशाला आधी नमन ।
वाजतगाजत करू स्वागत
गणेशाचे आगमन ।।
-------------------------
No comments:
Post a Comment