अवीट गोडीचे गाणे...
अवघे गरजे पंढरपूर, चालला नामाचा गजर…..
अवघे गरजे पंढरपूर, चालला नामाचा गजर || धृ ||
टाळ घोष कानी येती, ध्यानी विठ्ठलाची मूर्ती
पांडुरंगी जाहलों हो, चंद्रभागा तीर, चालला नामाचा गजर || १ ||
इडापिडा टळुनी जाती, देहाला या लाभे मुक्ती
नामरंगी रंगलो हो, संतांचे माहेर, चालला नामाचा गजर || २ ||
देव दिसे ठाई ठाई, भक्तलीन भक्तापाई
सुखालाही आला या हो, आनंदाचा पूर, चालला नामाचा गजर || ३ ||
आषाढी एकादशीच्या दिवशी सर्व वारकरी विठ्ठलाच्या दर्शनाला आलेले आहेत आणि त्यांच्या मुखात नामाचा म्हणजेच विठ्ठलाचा गजर चालू आहे. या गजराने सर्व पंढरपूर न्हाऊन निघाले आहे. काही ठिकाणी भजन-कीर्तन चालू आहे, टाळ, मृदंग च्या तालात वारकरी नाचत आहेत. टाळ-मृदंगाच्या तालात पंढरी तीर न्हाऊन निघाला आहे. सर्व वारकरी विठ्ठलाच्या नामात दंग झाले आहेत. पांडुरंगाच्या नामाने मंत्रमुग्ध झाले आहेत.
पंढरपूर हे संतांचे माहेर आहे. सर्व संत-महंत या ठिकाणी येतात.आपले देहभान हरपून विठ्ठलाच्या नामात दंग होतात. वाळवंटात आनंदाने नाचतात. विठ्ठलाच्या दर्शनाने पवित्र, निर्मळ होतात. पंढरपुरात आल्यावर विठ्ठलाचे दर्शन घेतल्यावर संसारातील चिंता, कटकटी मिटून जातात, इडापिडा टळून जाऊन देहाला सुख, समाधान मिळते, मुक्ती मिळते.
पंढरपुरात आल्यावर सर्व ठिकाणी विठ्ठलनामाचा गजर चालू असल्याने विठ्ठल असल्याचा भास होतो. जिथेतिथे विठ्ठलच दिसतो. सर्व ठिकाणी सुख-समृध्दीचा महापूर आलेला आहे.
पंढरपूर हे संतांचे माहेर आहे. सर्व संत-महंत या ठिकाणी येतात.आपले देहभान हरपून विठ्ठलाच्या नामात दंग होतात. वाळवंटात आनंदाने नाचतात. विठ्ठलाच्या दर्शनाने पवित्र, निर्मळ होतात. पंढरपुरात आल्यावर विठ्ठलाचे दर्शन घेतल्यावर संसारातील चिंता, कटकटी मिटून जातात, इडापिडा टळून जाऊन देहाला सुख, समाधान मिळते, मुक्ती मिळते.
पंढरपुरात आल्यावर सर्व ठिकाणी विठ्ठलनामाचा गजर चालू असल्याने विठ्ठल असल्याचा भास होतो. जिथेतिथे विठ्ठलच दिसतो. सर्व ठिकाणी सुख-समृध्दीचा महापूर आलेला आहे.
हे गीत नाटयगीत या प्रकारात मोडते. हे गीत गोरा कुंभार या नाटकातले आहे. हे गीत अशोकजी परांजपे यांनी लिहिले असून या गीताला पंडित जितेंद्र अभिषेकी यांनी संगीत दिले आहे. प्रकाश घांग्रेकर व शौनक अभिषेकी यांनी आपल्या सुरेल आवाजात हे गीत गायले आहे.
No comments:
Post a Comment